Convocada 1 plaza libre por el sistema de oposición Administración General Económica en Vigo. Las bases y el temario se han publicado íntegramente en el BOP de Pontevedra de 26 de marzo de 2018.

El temario correspondiente a esta oposición es el que sigue:

Temario específico

Primeira parte: dereito político, constitucional, administrativo xeral e local

Tema 1. A Constitución: concepto. Caracteres da Constitución de 1978. estrutura. A definición do Estado español como Estado social e democrático de dereito. Os valores superiores do ordenamento xurídico.

Tema 2. Título I da Constitución (I): Dereitos fundamentais e liberdades públicas: contido e principias leis de desenvolvemento. Sistemas de protección xurisdicional.

Tema 3. Título I da Constitución (II): Dereitos e deberes dos cidadáns: contido. Principios reitores da política social e económica.

Tema 4. A Coroa. As funcións constitucionais do xefe do Estado. O referendo.

Tema 5. O poder lexislativo e a súa regulación: as Cortes Xerais. Control lexislativo da acción do goberno. O Tribunal de Contas. O Defensor do Pobo.

Tema 6. O poder xudicial: regulación e principios. O Consello Xeral do Poder Xudicial. Planta e organización dos xulgados e tribunais. O Tribunal Constitucional.

Tema 7. O poder executivo e a súa regulación. Composición e funcións do goberno da Nación. A súa relación cos outros poderes.

Tema 8. Organización e funcionamento da Administración Xeral o do Estado. Organización Central. Organismos públicos: organismos autónomos, entidades públicas empresariais e axencias estatais.

Tema 9. A organización territorial do Estado na Constitución. As Comunidades Autónomas: organización e competencias. Os Estatutos de Autonomía.

Tema 10. O Estatuto de Autonomía de Galicia: estrutura e contido. A Administración pública da Comunidade Autónoma de Galicia.

Tema 11. As institucións da Comunidade Autónoma Galega. O Parlamento de Galicia. A Xunta de Galicia e o seu presidente. Control parlamentario da acción do goberno. O Valedor do Pobo.

Tema 12. A Unión Europea. Institucións da Unión Europea: composición, funcionamento e competencias.

Tema 13. O ordenamento xurídico comunitario: as súas fontes. Relación co dereito interno dos Estados: Principios. As liberdades básicas do sistema comunitario: libre circulación de persoas, mercadorías, servizos e capitais.

Tema 14. Sometemento da administración á lei e ao dereito. Fontes do dereito público

Tema 15. A lei: concepto e caracteres. As leis estatais no sistema español. Normas do goberno con forza de lei. Os tratados internacionais como normas de dereito interno.

Tema 16. O regulamento: concepto e clases. Procedemento de elaboración. Limites da potestade regulamentaria. Principio de inderogabilidade singular dos regulamentos.

Tema 17. Principios da organización administrativa. Principios reitores das relacións entre as administracións. Os órganos colexiados. A abstención e a recusación.

Tema 18. O acto administrativo: concepto e clases. Requisitos: competencia, contido, motivación e forma. Eficacia dos actos administrativos. Obriga de resolver e silencio administrativo.

Tema 19. Nulidade e anulabilidade dos actos administrativos. A revisión de oficio e a declaración de lesividade.

Tema 20. Os recursos administrativos: clases. A execución dos actos administrativos: tipos de execución e motivos da súa suspensión.

Tema 21. O procedemento administrativo común: principios xerais e competencia. Os interesados: dereitos e obrigas.

Tema 22. Fases do procedemento administrativo: iniciación, ordenación, instrución e finalización.

Tema 23. A contratación do Sector público. Clases de contratos : contratos administrativos, contratos privados e contratos suxeitos a regulación armonizada.

Tema 24. Capacidade, prohibición de contratar, solvencia e clasificación nos contratos do sector público. Obxecto e prezo dos contratos: normas xerais. Garantías esixibles na contratación coas administracións públicas.

Tema 25. O expediente de contratación e os pregos de cláusulas administrativas e de prescricións técnicas: normas xerais. A adxudicación dos contratos das administracións públicas: normas xerais e clases de procedementos.

Tema 26. Efectos, cumprimento e extinción dos contratos administrativos: normas xerais.

Tema 27. As formas da acción administrativa: aspectos xerais. O fomento e os seus medios. A policía administrativa e os seus límites e medios. Especial referencia á licenza.

Tema 28. O servizo público. Formas de xestión dos servizos públicos: xestión directa e xestión indirecta.

Tema 29. A expropiación forzosa. Suxeito, obxecto e causa. O procedemento expropiatorio. Expropiacións especiais e garantías xurisdicionais.

Tema 30. O dominio público: regulación e concepto. Clasificación dos bens de dominio público. As potestades administrativas. Uso e utilización do dominio público. Estudo especial das mutacións demaniais e das reservas demaniais.

Tema 31. A responsabilidade da administración pública: principios e procedemento. A responsabilidade das autoridades e do persoal ao servizo das administracións públicas.

Tema 32. O réxime local español: regulación xurídica e principios constitucionais. Os entes locais de Galicia: natureza e características.

Tema 33. O municipio. Os réximes municipais especiais de Galicia. O territorio. A poboación. O Estatuto do veciño. O empadroamento. Competencias municipais, servizos obrigatorios e actividades complementarias.

Tema 34. A organización municipal. Distribución de competencias. Referencia ao réxime de municipios de grande poboación.

Tema 35. A provincia no réxime local. Especial consideración das súas competencias en relación cos pequenos municipios na lei de administración local de Galicia.

Tema 36. O réxime de funcionamento dos órganos colexiados das corporacións locais: regulación, réxime de sesións, réxime de acordos e actas e certificacións.

Tema 37. As ordenanzas e regulamentos das entidades locais. Clases. Procedemento de elaboración e aprobación. Os bandos. Impugnación de actos e acordos das entidades locais e exercicio de accións.

Tema 38. Transferencia e delegación de competencias da Comunidade Autónoma de Galicia nas entidades locais. A encomenda de xestión. Relacións entre as administracións públicas galegas: colaboración, cooperación e auxilio. A comisión galega de cooperación local.

Tema 39. O estatuto dos membros das corporacións locais: regulación, dereitos, deberes, responsabilidades e incompatibilidades.

Tema 40. O persoal ao servizo das entidades locais: regulación e clases. A organización do emprego público. Normas sobre provisión de postos de traballo.

Tema 41. Dereitos e deberes dos funcionarios públicos locais.

Tema 42. Réxime disciplinario dos funcionarios da administración local. Incompatibilidades e responsabilidades. delitos contra a administración pública.

Tema 43. Os bens das entidades locais. Réxime de utilización e inventario municipal de bens.

Tema 44. A información e a participación cidadá na vida local. Medios de intervención das corporacións locais na actividade dos seus cidadáns.

Tema 45. Os servizos públicos locais. Modos de xestión dos servizos públicos locais. Consideración especial da concesión, das empresas municipais e dos consorcios locais

Segunda parte: dereito tributario, contabilidade e matemática financeira

Tema 1. Os recursos das facendas locais: enumeración. Os recursos dos municipios con especial consideración da tributación cedida polo Estado. Os recursos das provincias. Os recursos doutras entidades locais menores. Réximes especiais. Os ingresos de dereito privado.

Tema 2. Os tributos locais: principios. A potestade regulamentaria das entidades locais en materia tributaria: contido das ordenanzas fiscais, tramitación e réxime de impugnación dos actos de imposición e ordenación de tributos. Os recursos non tributarios das entidades locais.

Tema 3. O imposto sobre bens inmobles en xestión tributaria.

Tema 4. O imposto sobre actividades económicas e o imposto sobre vehículos de tracción mecánica.

Tema 5. O imposto sobre construcións, instalacións e obras, e o imposto do incremento do valor dos terreos de natureza urbana.

Tema 6. As taxas, os prezos públicos e as contribucións especiais.

Tema 7. O dereito tributario: concepto. A Lei xeral tributaria: concepto, contido e fontes. Os principios do ordenamento tributario español.

Tema 8. A aplicación e a interpretación das normas tributarias. Ámbito temporal e criterios de suxeición ás normas tributarias. A cualificación. A integración das normas tributarias: analoxía, simulación e conflito na aplicación da norma tributaria.

Tema 9. Os tributos: concepto, fins e clases. A relación xurídico-tributaria. As obrigas tributarias: a obriga tributaria principal, a obriga tributaria de realizar pagos a conta, as obrigas entre particulares, as obrigas tributarias accesorias e formais.

Tema 10. O feito impoñible: concepto e estrutura. Os elementos de cuantificación da obriga tributaria. A base impoñible: métodos de determinación. A base liquidable. O tipo de gravame. A cota tributaria. A débeda tributaria: concepto. As garantías da débeda tributaria.

Tema 11. Os obrigados tributarios: clases. Dereitos e garantías. Os suxeitos activos e pasivos da obriga tributaria. Diferencias entre a exención e a non suxeición. A capacidade de obrar na orde tributaria. Clases de representación. O domicilio fiscal.

Tema 12. Os responsables tributarios. A responsabilidade tributaria. Os responsables solidarios e subsidiarios. Os sucesores. Os retenedores e obrigados a ingresar a conta. Outros obrigados tributarios.

Tema 13. A aplicación dos tributos. Os procedementos administrativos en materia tributaria: fases. A obriga de resolución e prazos de resolución. A proba. As notificacións. A denuncia pública. As liquidacións tributarias.

Tema 14. Actuacións e procedemento de xestión tributaria (I): Funcións de xestión tributaria. As declaracións. As autoliquidacións. As comunicacións de datos. O procedemento de devolución iniciado mediante autoliquidación, solicitude ou comunicación de datos. O procedemento iniciado mediante declaración.

Tema 15. Actuacións e procedemento de xestión tributaria (II): O procedemento de comprobación de valores. O procedemento de verificación de datos. O procedemento de comprobación limitada.

Tema 16. A recadación (I): Características e réxime legal. A extinción das débedas: pagamento – fraccionamento e aprazamento-, prescrición e compensación. Outras formas de extinción. As insolvencias.

Tema 17. A recadación (II): A recadación en período executivo. O procedemento de prema: concepto. A suspensión. O embargamento e o alleamento de bens e dereitos. As tercerías.

Tema 18. A inspección de tributos (I): Funcións. Facultades. Deberes. Clases de actuacións.

Tema 19. A inspección de tributos (II): As actuacións e o procedemento de inspección: iniciación. Obxecto e alcance. Lugar e horario das actuacións inspectoras. Desenvolvemento do procedemento: prazo, alegacións e trámite de audiencia. A aplicación do método de estimación indirecta.

Tema 20. A inspección de tributos (III): A documentación das actuacións inspectoras. A tramitación das actas.

Tema 21. A potestade sancionadora en materia tributaria: principios. Os suxeitos responsables das infraccións e sancións tributarias. Concepto e clases de infraccións e sancións tributarias. A cuantificación das sancións.

Tema 22. A revisión dos actos de carácter tributario en vía administrativa. Os procedementos especiais de revisión. O recurso de reposición. As reclamacións económico-administrativas

Tema 23. A xurisdición contencioso-administrativa. Extensión e límites. As partes no proceso. O procedemento xeral e referencia aos procedementos especiais.

Tema 24. O imposto sobre a renda das persoas físicas: aspectos xerais.

Tema 25. O imposto sobre sociedades: aspectos xerais.

Tema 26. O imposto sobre transmisións patrimoniais e actos xurídicos documentados: aspectos xerais.

Tema 27. O imposto sobre sucesións e doazóns e o imposto sobre o patrimonio: aspectos xerais.

Tema 28. O imposto sobre valor engadido: aspectos xerais.

Tema 29. As sociedades mercantís: concepto. Criterios de clasificación. Causas de disolución das sociedades. O rexistro mercantil.

Tema 30. O orzamento xeral das entidades locais: regulación e concepto. A estrutura orzamentaria. Elaboración e aprobación: referencia ás bases de execución do orzamento. Os créditos do presuposto de gastos: concepto, situación, niveis de vinculación xurídica e modificacións.

Tema 31. A execución do orzamento de gastos e ingresos: fases. A liquidación do orzamento e a súa tramitación. Os remanentes de crédito. O resultado orzamentario: concepto e axustes. O remanente de tesourería: concepto.

Tema 32. A contabilidade financeira: concepto. As contas anuais: regulación, enumeración e imaxe fiel. Requisitos da información incluída nas contas anuais. Os principios contables. Os criterios contables: conceptos.

Tema 33. As normas de elaboración das contas anuais no novo Plan xeral contable.

Tema 34. O cadro de contas. Os grupos de contas: definicións e regras que se aplican.

Tema 35. As obrigas legais da contabilidade dos empresarios relativas aos libros de contabilidade e as contas anuais. O ciclo contable.

Tema 36. O resultado do exercicio. Especial consideración do principio de reporte (deveño).

Tema 37. A contabilidade de sociedades: concepto. A constitución de sociedades.

Tema 38 O aumento e a redución de capital social.

Tema 39. Transformación, fusión, escisión e disolución de sociedades.

Tema 40. A aplicación do resultado nas sociedades. As diferencias temporarias na contabilización do imposto sobre beneficios.

Tema 41. A consolidación contable.

Tema 42. As fontes de financiamento das empresas.

Tema 43. As operacións financeiras: concepto, elementos e clases. As operacións de capitalización e de desconto en réxime simple. Especial consideración do desconto bancario. As operacións de capitalización e de desconto en réxime composto. Os tantos equivalentes e a equivalencia de capitais.

Tema 44. Rendas, préstamos e empréstitos.

Tema 45. O mercado de valores: regulación, concepto e clases. A organización da bolsa de valores: os órganos de control, os órganos de xestión e dirección e os intermediarios. A débeda pública: concepto e clases.

Ademais das que figuran na base 4ª das xerais, os aspirantes deberán estar en posesión do título de grao/licenciado/a ou equivalente en dereito ou de calquera das titulacións esixidas no artigo 169.2.a) do Texto refundido das disposicións legais vixentes en materia de réxime local, aprobado mediante Real decreto lexislativo 781/1986, do 18 de abril.

Constará de cinco exercicios.

Primeiro exercicio.—De carácter obrigatorio e eliminatorio para todos/as os/as aspirantes.

Consistirá en desenvolver por escrito, durante un período máximo de 2 horas, un tema de carácter xeral, determinado polo órgano de selección inmediatamente antes de realizarse o exercicio e relacionado co programa que se achega á convocatoria, aínda que non se ateña ao epígrafe concreto deste, tendo os/as aspirantes ampla liberdade en canto a súa forma de exposición se refire.

Neste exercicio avaliarase a formación xeral universitaria, a claridade e orde de ideas, a facilidade de exposición escrita, a aportación persoal do aspirante e a súa capacidade de síntese e o rigor e precisión na súa exposición.

Esta proba deberá ser lida obrigatoriamente, ante o órgano de selección, en sesión pública e concluída a lectura da totalidade dos temas poderá pedirlle ao aspirante calquera explicación complementaria que considere oportuna.

Este exercicio puntuarase de cero (0) a dez (10) puntos, sendo necesario para aprobar obter unha puntuación mínima de cinco (5) puntos.

Segundo exercicio.—De carácter igualmente obrigatorio e eliminatorio.

Consistirá en contestar por escrito, nun tempo máximo de tres horas a catro temas extraidos ó chou entre os comprendidos no programa anexo á convocatoria, dous da primeira parte: dereito político, constitucional e administrativo xeral e local, e outros dous da segunda parte: dereito administrativo local e acción administrativa.

Neste exercicio avaliaranse os coñecementos sobre os temas expostos, a claridade e orde de ideas, a facilidade de exposición escrita e a capacidade de síntese.

Esta proba deberá ser lida obrigatoriamente perante o órgano de selección, en sesión pública; este, concluída a lectura da totalidade dos temas, poderá solicitarlle ao aspirante calquera explicación complementaria que considere oportuna.

Este exercicio puntuarase de cero (0) a dez (10) puntos; é necesario para aprobar obter unha puntuación mínima de cinco (5) puntos.

Terceiro exercicio.—Así mesmo obrigatorio e eliminatorio.

Desenvolverase por escrito, durante un período máximo de catro horas, e consistirá na redacción dun informe, con proposta de resolución, sobre dous supostos prácticos que proporá o órgano de selección inmediatamente antes do comezo do exercicio, relativos a tarefas administrativas propias das funcións asignadas á subescala.

Durante o desenvolvemento desta proba os aspirantes poderán, en todo momento, facer uso dos textos legais, coleccións de xurisprudencia e libros de consulta dos que acudan provistos, non permitíndose o manexo de textos comentados nin libros de formularios.

Neste exercicio avaliarase fundamentalmente a capacidade de raciocinio, a sistemática na presentación e formulación de conclusións e o coñecemento e axeitada interpretación da normativa aplicable.

Este exercicio puntuarase de cero (0) a dez (10) puntos; é necesario para aprobar obter unha puntuación mínima de cinco (5) puntos.

Cuarto exercicio.—Obrigatorio e non eliminatorio. Proba de informática.

Consistirá nunha proba de coñecementos a nivel usuario de contornos operativos windows, Linux ou similares, manexo de ferramentas de ofimática (open office ou similar) e de utilidades básicas de internet nos ditos contornos (navegación, correo electrónico, etc), no tempo que estableza o órgano de selección, e avaliarase de 0 a 2 puntos.

Quinto exercicio.—De carácter igualmente obrigatorio, aínda que o non superalo, non impedirá o nomeamento.

Consistirá na realización dunha proba oral e/ou escrita de coñecemento do idioma galego, que se realizará conforme ao previsto na base 10ª das xerais que determinará o Órgano de selección co asesoramento do Servizo de Normalización Lingüística, e avaliarase de 0 a 2 puntos.

O/a aspirante que non obtivese 1 punto como mínimo nesta proba deberá participar no primeiro curso de idioma galego que realice a administración autonómica (Secretaría Xeral de Política Lingüística ou organismo autonómico competente) co fin de obter a debida capacitación.

Estarán exentos da realización deste exercicio os/as aspirantes que acrediten no prazo regulamentario de presentación de instancias, posuír o título CELGA 4 ou equivalente homologado, segundo o disposto na Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega (Anexo I), aos que se lle asignarán 2 puntos.

A cualificación dos tres primeiros exercicios será de 0 a 10 puntos; quedará eliminado o/a aspirante que non obteña cando menos 5 puntos en cada un deles. A cualificación do cuarto e quinto exercicio será de 0 a 2 puntos, de conformidade co previsto na base X das xerais.

Derecho, Licenciados