El Ayuntamiento de Arteixo convoca una plaza de Ingeniero Técnico Industriale de Obras y Servicios para el Ayuntamiento de Arteixo libre a través del sistema de concurso-oposición. Las bases de la convocatoria se pueden encontrar en el BOP de A Coruña del 28 de enero de 2022.

El temario de la oposición se actualizará con la publicación de la convocatoria.

ANEXO II.- TEMARIO

Temario xeral

1. Constitución española. Estrutura. Principios xerais.

2. A Corona, o Rei e o Refrendo.

3. A organización territorial do Estado. Cámaras lexislativas. Competencias e réxime de funcionamento.

4. Dereitos e deberes dos cidadáns.

5. Lei Orgánica 1/1981, de 6 de abril, do Estatuto de Autonomía de Galicia.

6. Lei 39/2015, de 1 de outubro, do Procedemento Administrativo Común das Administracións Públicas. Principios xerais.

7. O Acto administrativo, elementos constitutivos, requisitos e eficacia do acto.

8. A revisión de oficio. A nulidade e anulabilidade do acto administrativo.

9. Lei 39/2015: iniciación, instrución e finalización do procedemento administrativo.

10. Lei 39/2015, de 1 de outubro: recursos administrativos.

11. Lei 40/2015, de 1 de outubro, de Réxime Xurídico do Sector Público: órganos administrativos e órganos consultivos das distintas Administracións públicas.

12. Lei 7/1985, de 2 de abril, reguladora das Bases de Réxime Local e Real Decreto Lexislativo 781/1986, de 18 de abril, polo que se aproba o texto refundido das disposicións legais vixentes en materia de Réxime Local.

13. Lei 27/2013 de 27 de decembro de Racionalización e sostenibilidade da Administración Local, de modificación da Lei de Bases 7/85 de 2 de abril.

14. Competencias municipais dos concellos de máis de 30.000 habitantes: competencias propias, impropias e delegación competencial.

15. Competencias da Alcaldía-Presidencia e do Pleno nas entidades locais. A delegación competencial e a avocación.

16. Competencias da Xunta de Goberno local e dos demais órganos colexiados nas entidades locais.

17. Real Decreto 2568/1986, de 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais.

18. Real Decreto Lexislativo 5/2015, de 30 de outubro, do Texto refundido da Lei do Estatuto Básico do Empregado Público. Tipoloxía de persoal e dereitos e deberes do persoal público.

19. Lei 2/2015, de 29 de abril, do Emprego Público de Galicia. Situacións administrativas, permisos e licenzas do persoal público.

20. Lei 53/1984, de 26 de decembro, de Incompatibilidades do Persoal ao Servizo das Administracións Públicas.

21. A Lei 9/2017, de 8 de novembro, de Contratos do Sector Público. Especial referencia á delimitación dos tipos contractuais e á aptitude para contratar co sector público.

22. A Lei 9/2017, de 8 de novembro, de Contratos do Sector Público. Pregos administrativos e pregos técnicos: caraterísticas e contido. A preparación dos contratos nas Administracións Públicas.

23. Orzamento municipal. Estrutura. Procedemento de aprobación.

24. A lexislación urbanística vixente en Galicia. Réxime urbanístico do solo. Clasificación do solo e réxime das distintas clases e categorías.

25. Instrumentos de planeamento xeral na Lei do solo de Galicia e no seu regulamento: Obxecto, determinacións e documentación.

26. As Ordenanzas e Regulamentos. Elaboración e aprobación das Ordenanzas e Regulamentos, procedemento de elaboración, límites, control da potestade regulamentaria.

27. A publicación das normas locais. Os bandos.

28. Políticas de igualdade: Lei Orgánica 3/2007, de 22 de marzo, para a igualdade efectiva de mulleres e homes.

29. Marco legal e principios xerais da Protección de Datos de Carácter Persoal na Admón. Pública.

30. Arteixo: características demográficas, poboacionais e económicas do termo municipal.

Temario específico

1. Lei 31/1995 de 8 de novembro de Prevención de Riscos Laborais.

2. Regulamento dos servizos de prevención (RD 36/1997).

3. Sistema de xestión de riscos laborais: modalidades de organización. Integración da prevención na Administración local.

4. A Avaliación de riscos laborais.

5. O Plan de Prevención na Administración Local. Colectivos protexidos. As especialidades da Vixiancia da saúde, Ergonomía e psicosocioloxía.

6. Dereitos e deberes dos empregados públicos en materia preventiva.

7. As obrigas de prevención de riscos na subcontratación.

8. A seguridade na construcción. Normativa. A figura do coordinador de seguridade e saúde.

9. Real decreto 2200/1995, de 28 de decembro, polo que se aproba o Regulamento da infraestructura para a calidade e a seguridade industrial: capítulos do I ao IV.

10. Decreto lexislativo 1/2015, de 12 de febrero, polo que se aproba o texto refundido das disposicións legais da Comunidade Autónoma de Galicia en materia de política industrial: libro primeiro. Seguridade industrial.

11. O risco eléctrico. Normas e sinalización de seguridade.

12. Os EPIs. A seguridade na maquinaria e nos equipos de traballo. Protección individual e protección colectiva.

13. Deseño dunha instalación de iluminación pública: parámetros básicos, materiais, implantación da instalación.

14. Eficiencia enerxética no alumeado exterior. RD 1890/2008.

15. Instalacións de alumeado exterior. ITC-BT-09.

16. Instrucción 2/2018, de 26 de marzo, sobre instalacións eléctricas temporais de baixa tensión.

17. Real decreto 223/2008, de 15 de febrero, polo que se aproba o Reglamento sobre condicions técnicas e garantías de seguridade en liñas eléctricas de alta tensión e ITC LAT-04 e LAT-05.

18. Real decreto 337/2014, de 9 de maio, polo que se aproba o Regulamento sobre condicións técnicas e garantías de seguridade en instalacions eléctricas de alta tensión e instruccións técnicas complementarias ITC-RAT 22 y 23.

19. Aparatos de elevación e manutención dos mesmos: normativa básica. Real decreto 57/2005, de 21 de xaneiro, polo que se establecen as prescripciónspara o incremento de seguridade do parque de ascensores existente. Modificación do Real Decreto 1314/1997, de 1 de agosto, polo que se dictan as disposicións de aplicación da Directiva do Parlamento Europeo e do Consello 95/16/CE, sobre ascensores.

20. Real decreto 235/2013, de 5 de abril, polo que se aproba o procedemento básico para a certificación da eficiencia enerxética dos edificios e modificacións introducidas polo Real Decreto 564/2017, de 2 de xuño.

21. Regulación semafórica. Elementos. Tipos. Mantemento.

22. Ordenanza de obras e servizos no dominio público para a implantación de servizos na vía pública: disposicións xerais, planificación e instalación.

23. Redes de enerxía eléctrica, telecomunicacións, telefonía e gas. Licenzas e execución das obras de canalización.

24. Movementos de terras, clasificacións e características dos solos. Compactación.

25. Construcción de explanacións. Construcción de terrapléns e pedrapléns. Capacidade de soporte das explanadas.

26. A explanada. Proxectos, execución e control de obras de terra. Caracterización de tipos de solos e a súa relación co dimensionamento do firme. Estabilización de solos. Alternativas.

27. Drenaxe de carreteras. Normativa actual.

28. Carreteras: Evacuación das augas superficiais. Evacuación de aguas subterráneas.

29. Firmes de carreteras. Tipos de firmes. Características. Materiais a empregar. Normativa aplicable.

30. Unidades de obra dos firmes de carretera. Capas granulares do firme. Tipos e clases.

31. Rehabilitación superficial e estructural dos firmes. Método para a súa determinación de conservación.

32. Servizo de Limpeza viaria. Descripción e organización das operacións de limpeza.

33. Os residuos sólidos urbanos. Xeración e composición dos residuos. Clasificación por orixe. Principais fraccións ou compoñentes.

34. Xestión operativa dos residuos sólidos urbanos. Depósito e recollida. Transporte. Tratamento.

35. Sistemas de información e comunicación aplicados ao control e xestión dos residuos urbanos. Marco normativo da xestión dos residuos de competencia local.

36. Real Decreto 105/2008, do 1 de febrero, polo que se regula a producción e xestión de residuos de construcción e demolición.

37. Lei 22/2011, de 28 de xullo, de residuos e solos contaminados. Producción, posesión e xestión dos residuos.

38. Real Decreto 110/2015, de 20 de febrero, sobre residuos de aparatos eléctricos e electrónicos. Recollida dos RAEE.

39. Plan Municipal de Xestión de Residuos Urbanos do Concello de Arteixo.

40. Ordenanza Municipal de Xestión de Residuos Domésticos do Concello de Arteixo.

41. Responsabilidade patrimonial na administración local.

42. Accesibilidade e supresión das barreiras arquitectónicas. Lei 10/2014, de 3 de decembro.

43. O regulamento de desenvolvemento e execución da Lei de accesibilidade e supresión de barreiras arquitectónicas da Comunidade Autónoma de Galicia.

44. O entorno urbano. Categorías do espazo público. Funcións e obxetivos.

45. Movilidade peatonal. Desprazamentos horizontais e verticais.

46. O pavimento no ámbito peatonal. Propiedades. Clasificación.

47. Elementos de urbanización. Pasos e vados peatonais. Vados de vehículos. Prazas de estacionamento.

48. Mobiliario urbano. Clasificación. Aspectos básicos.

49. Real Decreto 1544/2007, de 23 de novembro, polo que se regulan as condicións básicas de accesibilidade en espazos públicos.

50. Orden VIV/561/2010, de 1 de febreiro, pola que se desenvolve o documento técnico de condicións básicas de accesibilidade e non discriminación para o acceso e utilización dos espazos públicos urbanizados.

Estar en posesión dalgún dos seguintes títulos académicos ou en condicións de obtelo na data en que remate o pazo de presentación de instancias: ENXEÑEIRO/A TÉCNICO INDUSTRIAL ou titulación equivalente.

Desenvolvemento do proceso selectivo: O proceso selectivo a través de procedemento de concurso-oposición, consistirá nunha fase de concurso (40%), previa á fase de oposición (60%), de conformidade ao seguinte baremo de méritos.

6.1 FASE DE CONCURSO: CARÁCTER NON ELIMINATORIO. BAREMO DE MERITOS

A fase de concurso desenvolverase de conformidade ao Baremo de seguido determinado, sendo imprescindible que o/a aspirante aporte un Currículo vitae segundo este esquema de Baremo, que deberá acompañar de toda a documentación acreditativa de tales méritos.

A puntuación máxima posible nesta fase de concurso é de 40 puntos.

FORMACIÓN ACADÉMICA (ate un máximo de 15 puntos, non sendo resultado das puntuacións máximas dos diferentes epígrafes).

Unicamente serán valorados aqueles méritos formativos relacionados coa praza convocada e/ou coa Administración pública, e realizados por centros homologados, colexios profesionais, sindicatos, Admóns. públicas e similares acreditados oficialmente. No suposto de non figurar o número de horas lectivas (ou conversión de equivalencia, ex. créditos) os cursos non serán valorados. No caso de cursos de informática non serán tidos en conta aqueles propios de informática de usuario, así como tampouco aqueles con máis de 10 anos de antigüidade.

A valoración dos distintos cursos é excluínte, de xeito que non poderá valorarse dúas veces un único curso/título nin poderán valorarse fraccionadamente, isto é non serán valorados independentemente os cursos que formen parte dos créditos para obtención dunha titulación académica.

Formación directamente relacionada coa praza convocada e/ou funcións (máximo 10 puntos).

- Título de postgrao en Prevención de riscos laborais: Técnico Superior en Prevención de riscos laborais: 3 puntos; Técnico Medio en Prevención de Riscos laborais : 1 punto.

- Outros Títulos universitarios de Grao distintos ao establecido como requisito de acceso, Posgrao, Masters ou Doutoramento e/ou cursos de duración lectiva igual ou superior a 300 horas: 2 puntos por cada un.

- Cursos de 150 a menos de 300 horas: 1,5 puntos por cada un

- Cursos de 100 a menos de 150 horas: 0,75 puntos por cada un

- Cursos de 75 a menos de 100 horas: 0,50 puntos por cada un

- Cursos de 50 a menos de 75 horas: 0,25 puntos por cada un

- Cursos de 25 a menos de 50 horas: 0,15 puntos por cada un

- Cursos de menos de 25 horas: 0,05 puntos por cada un

Outra formación relacionada coa Administración pública (máximo 2 puntos)

Por formación relacionada coa Administración pública e indirectamente co posto de traballo, incluída formación transversal (procedemento administrativo, xestión de expedientes, contratación administrativa, administración electrónica e inclusive accións formativas en políticas de igualdade, organización de equipos humanos e similares): 0,05 por cada 20 horas acumuladas ate un máximo de 2 puntos

Informática (máximo 2 puntos)

- Por cursos/formación de Informática relacionados coas funcións da praza convocada, en programas de Autocad, GISS ou outros similares relacionados coas funcións: 0,15 puntos por cada 30 horas acumuladas ate un máximo de 2 puntos

Idioma galego (máximo 1 punto)

- Por cursos de galego de nivel superior ao de Perfeccionamento/Celga IV que exime da realización do 4º exercicio: Curso de linguaxe administrativa, nivel medio: 0,5 puntos; Nivel superior: 1 punto

EXPERIENCIA PROFESIONAL (ate un máximo de 25 puntos)

As puntuacións de cada apartado do epígrafe de experiencia laboral son independentes aplicándose o límite máximo de 25 puntos e ningún caso poderá acadarse coa suma dos distintos apartados unha puntuación superior ao máximo de 25 puntos establecido:

A experiencia profesional deberá acreditarse con copia dos contratos de traballo máis o Informe de Vida laboral ou, no caso de Administracións públicas, certificado expedido polo Fedatario público da Admón. no que se explicite o posto de traballo, grupo de pertenza ou equiparación, duración do contrato/nomeamento e tipoloxía xornada. A puntuación da experiencia profesional referida anteriormente está referida a xornada completa, sendo que no suposto de xornada parcial, outorgarase a puntuación proporcional correspondente.

- Por experiencia profesional como Enxeñeiro/a técnico industrial grupo A2, na Admón. pública: 0,50 puntos por cada 6 meses acumulados.

- Por experiencia profesional como Enxeñeiro/a técnico industrial ou análogo equiparable ao grupo A2, referido ás funcións da praza convocada, na empresa privada: 0,20 puntos por cada 6 meses acumulados.

As puntuacións de cada apartado outorgaranse sumando todos os meses de experiencia, divindindo entre 6 e multiplicando pola puntuación correspondente de cada apartado cun máximo de dous decimais.

O Tribunal elaborará unha listaxe das puntuacións outorgadas aos aspirantes nesta Fase de concurso, que se fará pública no taboleiro de edictos e na web municipal, durante un prazo de 3 días hábiles para posibilitar a presentación de alegacións/reclamacións dos/as aspirantes. Transcorrido este prazo, o Tribunal resolverá as posibles alegacións sen que tal incidencia interceda ou suspenda a continuidade do proceso selectivo da fase de oposición.

A puntuación obtida na fase de concurso (máximo 40 puntos = 40% do total do proceso selectivo) de carácter non eliminatorio, non servirá para a superación de ningún exercicio da fase de oposición (máximo 60 puntos = 60 %).

6.2 FASE DE OPOSICIÓN: CARÁCTER ELIMINATORIO.

6.2.2 .- Exercicios da fase de Oposición.

A oposición constará de 4 exercicios, todos eles obrigatorios e tres deles eliminatorios, de modo que non poderán pasar ao seguinte exercicio o/as aspirantes que non acaden a cualificación mínima establecida para cada un deles.

A puntuación máxima que se poderá acadar na fase de oposición será de 60 puntos.

Primeiro exercicio: EXAME TEÓRICO TIPO TEST Carácter obrigatorio e eliminatorio: 20 puntos máximo, mínimo 10 puntos para superalo.

Consistirá na realización dun exercicio teórico consistente na realización dun exame tipo test de 50 preguntas con 4 alternativas de resposta (mais 10 preguntas de reserva), preparadas con carácter previo polo Tribunal e relacionadas co temario anexo a presente convocatoria (temario xeral e temario específico).

A cualificación máxima deste exercicio é de 20 puntos, sendo necesario acadar 10 puntos para supéralo. Cada resposta correcta puntuará 0,40 puntos, cada resposta errada restará 0,20 puntos e as respostas non contestadas (en branco) non descontan

A duración máxima para a realización deste exercicio será dunha hora (60 min), podendo o Tribunal determinar tempos inferiores se así o estima conveniente.

Segundo exercicio: EXAME PREGUNTAS CURTAS TEMARIO ESPECÍFICO Carácter obrigatorio e non eliminatorio: 10 puntos máximo.

Consistirá na realización dun exercicio teórico consistente na exposición escrita de 5 preguntas curtas, preparadas con carácter previo polo tribunal e relacionadas coas funcións da praza e/ou co temario específico anexo a convocatoria.

A duración máxima para a realización deste exercicio será de 60 minutos, podendo o tribunal determinar tempos inferiores se así o estima convinte. Non se permitirá aos aspirantes a utilización de soporte documental de tipo algún para realización deste exercicio.

A cualificación máxima deste exercicio será de 10 puntos e dado o seu carácter non eliminatorio, non será necesario acadar unha puntuación mínima para superalo. Non obstante, dado o carácter obrigatorio, deberán acudir todos/as aspirantes aptos no primeiro exercicio, sendo que de existir algún/ha aspirante non presentado/a a este exercicio, considerarase que decae no seu dereito de continuar participando no proceso selectivo.

Os criterios xerais de cualificación deste exercicio serán os seguintes:

- Cada unha das preguntas puntuará de 0 a 2 puntos máximo.

- Serán criterios de cualificación e avaliación os coñecementos teóricos así como a capacidade expositiva e de síntese

- O tribunal cualificará as respostas deste exercicio en base a un esquema previo no que se conteña a resposta correcta e os conceptos e referencias mínimas e máximas para a cualificación de cada pregunta.

- A cualificación de cada aspirante neste exercicio será a suma das puntuacións outorgadas polos membros do Tribunal en cada unha das preguntas. Deixar sen responder algunha pregunta ou as respostas incorrectas, non puntuarán en negativo.

Toda vez rematado o tempo de exame, o Tribunal poderá determinar a lectura do exercicio si así o estima conveniente, quedando capacitado para realizar canta pregunta/aclaración consideren en relación á exposición escrita dos aspirantes. A lectura do exercicio ningún caso poderá ser superior a 30 minutos para cada un dos aspirantes.

Terceiro exercicio: EXAME PRÁCTICO (Carácter obrigatorio e eliminatorio): 30 puntos máximo, mínimo 15 puntos para superalo.

Consistirá na resolución dun ou varios supostos prácticos (máximo 5) propostos polo Tribunal con carácter inmediatamente previo á realización do exame, relacionados co temario xeral e/ou específico anexo ás presentes bases e coas funcións propias da praza convocada, durante un tempo máximo de dous horas.

O exercicio será cualificado de 0 a 30 puntos, sendo necesario acadar unha puntuación de 15 puntos para o superar, dado o seu carácter eliminatorio.

Toda vez rematado o tempo de exame, o Tribunal poderá determinar a lectura do exercicio si así o estima conveniente, quedando capacitado para realizar canta pregunta/aclaración consideren en relación á exposición escrita dos aspirantes. A lectura do exercicio en ningún caso poderá ser superior a 30 minutos para cada un dos aspirantes.

No suposto de que algún aspirante non proceda á lectura, no suposto de que o tribunal determine a mesma, a cualificación do exercicio será directamente non apto, sen mais avaliación.

Para a resolución deste exercicio, o/a opositor poderá utilizar normativa estatal e autonómica en documento papel. Durante o desenvolvemento desta proba o/as aspirantes poderán consultar os textos técnicos, legais e xurisprudenciais non comentados dos que acudan provistos, coa autorización do Tribunal. Os membros do Tribunal quedan competencialmente capacitados para revisar o apoio documental dos aspirantes.

Neste exercicio, valorarase a capacidade de análise e a aplicación razoada dos coñecementos teóricos á resolución dos problemas prácticos plantexados. Estimarase especialmente a sistemática na proposta, a formulación de conclusións, coñecemento e axeitada aplicación da normativa vixente e a ponderación de cada un destes criterios en cada un dos supostos será posto en coñecemento dos aspirantes con carácter previo á realización do exercicio. Así mesmo, no caso de poñerse varios supostos prácticos polo Tribunal e si se valoran con distinta puntuación cada un deles, deberá indicarse no exercicio entregado ao opositor, a puntuación de cada un deles e o desenvolvemento dos criterios de cualificación xerais determinados, de selo caso.

Cuarto exercicio: Coñecemento de galego. Terá carácter obrigatorio, e eliminatorio, sendo a cualificación de APTO ou NON APTO.

Consistirá na tradución escrita directa dun texto en castelán facilitado polo tribunal, á lingua galega, nun tempo máximo de 30 minutos. O texto será escollido polo Tribunal cualificador do proceso selectivo inmediatamente antes de celebrarse a proba, podendo formarse con parágrafos de distintos textos, correspondéndolle ao Tribunal a fixación do nivel de coñecemento esixido para superar esta proba, dado que o texto non poderá ter mais de 100 palabras, sendo cualificados como non aptos aqueles aspirantes que teñan 10 erros ou máis (tanto de tradución, como de gramática como de acentuación).

Deberan realizar esta proba aqueles aspirantes que non presenten o certificado no prazo de presentación de instancias e referido á data de remate, de ter superados os estudos conducentes á obtención do nivel do coñecemento do galego CELGA IV esixido, expedido por organismo oficial para tal efecto, ou título acreditativo expedido por entidade académica para tal fin. Os/as aspirantes que acrediten a posesión do referido título estarán exentos da realización desta proba, considerándose neste caso directamente como APTO.

Os aspirantes que non acreditasen estar en posesión do CELGA IV ou equivalente e que non superasen esta proba quedarán excluídos do proceso selectivo.

Ingenieros Técnicos Industriales

Contratación Laboral

Contratación y Extinción del Contrato

Curso Oposiciones Temas Generales 2026 subg A1 y A2

Ley 9/2017, de Contratos del Sector Público

Prevención de Riesgos Laborales

Procedimientos Sancionador y de Revisión

Libro Cuestionario Ing. Téc Industrial preguntas tipo TEST