Preparar Oposiciones

Pontevedra / Galicia

2019 Técnicos Gestión Ayuntamiento Marín

Fecha convocatoria
03/09/2019

Grupo
A2

Plazas
1

TIPO DE PERSONAL

PLAZO INSCRIPCIÓN

MÁS INFORMACIÓN

Funcionario

23/09/2019

+ info

Acerca de la oposición

Convocada 1 plaza de Técnico de Gestión para el Ayuntamiento de Marín.

Convocada 1 plaza por oposición libre de Técnico de Gestión para el Ayuntamiento de Marín (Pontevedra). Las bases y el temario se han publicado en el Boletín Oficial de la Provincia de Pontevedra del 16 de agosto de 2019.

Disponibles test online en este enlace.

TEMARIO GENERAL (último temario publicado por el Ayuntamiento de Marín, 2019)

Tema 1.—A Constitución española de 1978: Características. Estrutura e contido. Os principios constitucionais. Os dereitos constitucionais. O Defensor do Pobo. O Tribunal Constitucional. A reforma da Constitución.

Tema 2.—A Monarquía parlamentaria. A Coroa. As funcións constitucionais do xefe do Estado. Sucesión e rexencia. O referendo. As Cortes xerais: composición, funcións e funcionamento.

Tema 3.—O Goberno: Composición, organización e funcións. Relacións entre o Goberno e as Cortes Xerais. A delegación lexislativa. Designación, duración e responsabilidade do Goberno.

Tema 4.—A Administración xeral do Estado. A organización da Administración xeral do Estado. Órganos da Administración xeral do Estado. A administración periférica do Estado.

Tema 5.—O Poder xudicial: regulación constitucional da xustiza. Planta e organización dos xulgados e tribunais. O Consello Xeral do poder xudicial. O ministerio fiscal. O Tribunal Constitucional. O recurso de amparo.

Tema 6.—A organización territorial do Estado na Constitución. As Comunidades Autónomas: organización e competencias. Distribución de competencias entre o Estado e as Comunidades Autónomas. Os estatutos de autonomía.

Tema 7.—A Unión Europea: orixe e evolución. As principais institucións da Unión Europea. O ordenamento xurídico comunitario: as súas fontes. Relación co dereito interno dos Estados. A Unión Económica e Monetaria.

Tema 8.—Sometemento da administración á lei e ao dereito. Fontes do dereito público. A Lei: Concepto e caracteres. As leis estatais no sistema español. Normas do Goberno con forza de lei. Os tratados internacionais como normas de dereito interno.

Tema 9.—O regulamento: concepto e clases. A potestade regulamentaria. Límites da potestade regulamentaria. Procedemento de elaboración dos regulamentos no ámbito local. Principio de inderrogabilidade singular dos regulamentos.

Tema 10.—O acto administrativo: concepto e elementos. Clasificación. Eficacia dos actos administrativos. A notificación: contido, prazo e práctica. A notificación defectuosa. A publicación.

Tema 11.—A invalidez do acto administrativo. Supostos de nulidade de pleno dereito e anulabilidade. O principio de conservación do acto administrativo. A revisión de actos pola propia administración: supostos. A acción de nulidade, procedemento, límites. A declaración de lesividade. A revogación de actos. A rectificación de erros materiais ou de feito.

Tema 12.—Recursos administrativos: principios xerais. Regras xerais de tramitación dos recursos administrativos. Clases de recursos.

Tema 13.—O procedemento administrativo común: principios xerais e competencia. Os interesados: dereitos e obrigas. A iniciación do procedemento: clases, subsanación e melloras de solicitudes. Presentación de solicitudes, escritos e comunicacións. Os rexistros administrativos.

Tema 14.—Termos e prazos: cómputo, ampliación e tramitación de urxencia. Ordenación do procedemento administrativo. Instrución: proba, informes e participación dos interesados.

Tema 15.—Terminación do procedemento. A obriga de resolver. Contido da resolución expresa. A terminación convencional. A falta de resolución expresa: o réxime do silencio administrativo. O desistimento e a renuncia. A caducidade.

Tema 16.—A coacción administrativa: o principio de autotutela executiva. A execución forzosa dos actos administrativos: medios e principios de utilización. A coacción administrativa directa. A vía de feito.

Tema 17.—Os contratos administrativos: concepto e clases. Contratos privados. Procedementos de adxudicación: aberto, restrinxido e con negociación. Contratos menores. Execución dos contratos. Extinción dos contratos.

Tema 18.—A responsabilidade da administración pública: principios e procedemento. Danos resarcibles. A responsabilidade das autoridades e do persoal ao servizo das administracións públicas.

Tema 19.—O réxime local español: principios constitucionais e regulación xurídica. A Carta europea de autonomía local. O principio de autonomía local: significado, contido e límites.

Tema 20.—O municipio: concepto e elementos. O termo municipal: o problema da planta municipal. Alteracións de termos municipais. Lexislación básica e lexislación autonómica. A poboación. O padrón de habitantes. O Estatuto do veciño.

Tema 21.—A organización municipal. Os municipios de réxime común. Órganos necesarios: O Alcalde, Tenentes de Alcalde, o Pleno e a Xunta de Goberno Local. Órganos complementarios. Comisións informativas e outros órganos. Os municipios de grande poboación: especialidades.

Tema 22.—As competencias municipais: sistema de determinación. Competencias propias, delegadas e competencias distintas das propias. Servizos mínimos. A reserva de servizos.

Tema 23.—A provincia como entidade local. Organización e competencias. A cooperación municipal. As relacións entre as Comunidades Autónomas e as Deputacións provinciais. Réximes especiais. As illas: os Consellos e Cabildos insulares. Outras entidades locais. Entidades de ámbito inferior ao municipio. As comarcas. As mancomunidades de municipios. As áreas metropolitanas.

Tema 24.—O persoal ao servizo das entidades locais. Os instrumentos de organización do persoal: plantillas e relación de postos de traballo. Normas sobre provisión de postos de traballo. Dereitos e deberes dos funcionarios públicos locais. Réxime disciplinario dos funcionarios de administración local. Incompatibilidades e responsabilidades.

Tema 25.—O patrimonio das entidades locais: bens e dereitos que o conforman. Clases. Bens de dominio público local. Bens patrimoniais locais. Prerrogativas e potestades das entidades locais en relación cos seus bens. Os bens comunais. O inventario. Os montes veciñais en man común.

Tema 26.—Os principios constitucionais do dereito financeiro. Os principios relativos aos ingresos públicos: legalidade e reserva de lei, xeneralidade, capacidade económica, igualdade, progresividade e non confiscatoriedade. Principios relativos ao gasto público: legalidade e equidade, eficacia, eficiencia e economía na programación e execución do gasto público.

Tema 27.—As Facendas Locais en España: principios constitucionais. O réxime xurídico das facendas locais. Incidencia estatal e autonómica na autonomía financeira local. A coordinación das facendas estatal, autonómica e local.

TEMARIO ESPECÍFICO (último temario publicado por el Ayuntamiento de Marín, 2019)

Tema 28.—O orzamento xeral das Entidades Locais: concepto e contido. Especial referencia ás bases de execución do orzamento. A elaboración e aprobación do orzamento xeral. A prórroga orzamentaria.

Tema 29.—A estrutura orzamentaria. Os créditos do orzamento de gastos: delimitación, situación e niveis de vinculación xurídica. As modificacións de crédito: clases, concepto, financiación e tramitación.

Tema 30.—A execución do orzamento de gastos e de ingresos: fases. Os pagos a xustificar. Os anticipos de caixa fixa. Os gastos de carácter plurianual. A tramitación anticipada de gastos. Os proxectos de gasto. Os gastos con financiación afectada: especial referencia ás desviacións de financiación.

Tema 31.—Estabilidade orzamentaria e sostenibilidade financeira. Principios xerais. Obxectivos de estabilidade orzamentaria, de débeda pública e da regra de gasto para as entidades locais. Establecemento e consecuencias asociadas ao seu incumprimento. Os plans económico financeiros: contido, tramitación e seguimento. Plans de axuste e de saneamento financeiro. Subministro de información financeira das entidades locais.

Tema 32.—A Tesourería das entidades locais. Réxime xurídico. O principio de unidade de caixa. Funcións da tesourería. Organización, Situación dos fondos: a caixa e contas bancarias. A realización de pagos: prelación, procedementos e medios de pago. O estado de conciliación.

Tema 33.—A planificación financeira. O plan de Tesourería e o plan de disposición de fondos. A rentabilización de excedentes de tesourería. As operacións de tesourería. O risco dos tipos de xuro e de cambio nas operacións financeiras.

Tema 34.—A análise da sostenibilidade financeira. O aforro neto. Os prazos de pago na administración. A loita contra a morosidade nas operacións comerciais. Control da débeda comercial no sector público. O período medio de pago.

Tema 35.—O control interno da actividade económico-financeira das entidades locais e os seus entes dependentes. A función interventora: ámbito subxectivo, ámbito obxectivo e modalidades. Especial referencia aos reparos. O control financeiro: ámbito de aplicación e finalidade.

Tema 36.—O control externo da actividade económica-financeira do sector público local. A fiscalización das entidades locais polo Tribunal de Contas e os órganos de control externo das Comunidades Autónomas. As relacións do Tribunal de Contas e os órganos de control externo das Comunidades Autónomas.

Tema 37.—A relación xurídico tributaria: concepto e elementos. Feito impoñible. Devindicación, Exencións. O domicilio fiscal. As bases impoñible e liquidable. O tipo de gravame. A cota e a débeda tributaria.

Tema 38.—Os obrigados tributarios. Suxeitos pasivos: o contribuínte e substituto do contribuínte. Responsables. A solidariedade: extensión e efectos. A representación. Dereitos e garantías dos obrigados tributarios. Obrigas e deberes da Administración tributaria.

Tema 39.—A xestión tributaria: delimitación e ámbito. O procedemento de xestión tributaria. A liquidación dos tributos. A declaración tributaria. Autoliquidacións. Os actos de liquidación: clases e réxime xurídico. A consulta tributaria. A proba nos procedementos de xestión tributaria.

Tema 40.—A inspección dos tributos. Actuacións inspectoras para a xestión dos tributos: comprobación e investigación, obtención de información, comprobación de valores e informe e asesoramento. Réxime xurídico das funcións inspectoras. O procedemento de inspección tributaria. Potestades da inspección dos tributos. Documentación das actuacións inspectoras. As actas de inspección.

Tema 41.—A revisión en vía administrativa dos actos de xestión tributaria no ámbito local: o recurso de reposición e a reclamación económico administrativa. Cómputo dos prazos na interposición de recursos.

Tema 42.—Os procedementos especiais de revisión: declaración de nulidade de pleno dereito, revogación de actos, devolución de ingresos indebidos, rectificación de erros materiais e declaración de lesividade de actos anulables.

Tema 43.—Os recursos das facendas locais. Os tributos locais: locais: principios. A potestade regulamentaria das entidades locais en materia tributaria: contido das ordenanzas fiscais, tramitación e réxime de impugnación dos actos de imposición e ordenación dos tributos. O establecemento de recursos non tributarios.

Tema 44.—O Imposto sobre Bens Inmobles (I): Natureza e feito impoñible. Exencións e bonificacións. Suxeitos pasivos. Afección dos bens na transmisión e responsabilidade na cotitularidade.

Tema 45.—O imposto sobre bens inmobles (II): Base Impoñible. Base Liquidable. Cota. Tipo de gravame. Devindicación e período impositivo.

Tema 46.—O imposto sobre bens inmobles (III): Xestión tributaria do imposto. Declaracións e comunicacións ante o Catastro Inmobiliario. O Real decreto lexislativo 1/2004, de 5 de marzo, polo que se aproba o Texto refundido da Lei reguladora do Catastro Inmobiliario: Bens inmobles a efectos catastrais, titulares catastrais. Procedemento de incorporación dos bens ao Catastro Inmobiliario: declaracións, comunicacións e solicitudes. Subsanación de discrepancias. Inspección catastral. Relación do Catastro Inmobiliario cos impostos locais.

Tema 47.—O Imposto sobre Actividades Económicas (I): Natureza e feito impoñible. Supostos de non suxeición. Exencións e bonificacións. Suxeitos Pasivos.

Tema 48.—O Imposto sobre Actividades Económicas (II): Cota tributaria e tarifas do imposto. Coeficiente de ponderación e de situación. Período impositivo e devindicación. Xestión do imposto.

Tema 49.—O Imposto sobre Vehículos de Tracción Mecánica: natureza e feito impoñible. Exencións. Suxeitos pasivos. Cota. Período impositivo e devindicación. Xestión do imposto.

Tema 50.—O Imposto sobre Construcións, Instalacións e Obras: natureza e feito impoñible. Suxeitos pasivos. Exencións e bonificacións. Base impoñible. Cota. Devindicación. Xestión do imposto.

Tema 51.—O Imposto sobre o Incremento do Valor dos Terreos de Natureza Urbana: natureza e feito impoñible. Beneficios fiscais. Suxeitos pasivos. Base impoñible. Tipo de gravame e cota. Devindicación. Xestión do imposto. Referencia á sentenza 59/2017 do Tribunal Constitucional.

Tema 52.—As Taxas: concepto, feito impoñible, supostos de non suxeición e de exención. Suxeitos pasivos: contribuínte e substituto do contribuínte. Contía e devindicación. Informe técnico económico.

Tema 53.—Os Prezos Públicos: Concepto, obrigados ao pago, contía, obrigados ao pago, principais diferenzas coas taxas. As contribucións especiais: feito impoñible, suxeito pasivo, base impoñible, cota e devindicación, imposición e ordenación.

Tema 54.—A participación de municipios e provincias nos tributos do Estado e das Comunidades Autónomas. Criterios de distribución e regras de evolución. Réximes especiais. A Cooperación económica do Estado e das Comunidades Autónomas ás inversións das Entidades Locais. Os fondos da Unión Europea para entidades locais.

Tema 55.—O crédito local. Clases de operacións de crédito. Natureza xurídica dos contratos: tramitación. As operacións de crédito a longo prazo. Finalidade e duración. Competencia. Límites e requisitos para a concertación de operacións de crédito a longo prazo. A concesión de avais polas entidades locais.

Tema 56.—A extinción da obriga tributaria. O pago: requisitos, medios de pago e efectos do pago. Prazos para o pago. A imputación de pagos. Consecuencias da falta de pago e consignación. Outras formas de extinción das débedas.

Tema 57.—A prescrición: prazos, cómputo e a súa interrupción. A compensación, a condonación e a insolvencia.

Tema 58.—As garantías da débeda tributaria: O dereito de prelación e a hipoteca legal tácita. A afección de bens. Medidas cautelares. Aprazamento e fraccionamento do pago: tramitación, garantías e falta de pago.

Tema 59.—O procedemento de recadación en período voluntario: iniciación e conclusión. Ingresos a través das entidades de depósito que prestan o Servizo de Caixa. Ingresos a través das entidades colaboradoras na recadación. Recadación de débedas de vencemento periódico e notificación colectiva.

Tema 60.—A recadación en período executivo: inicio. Recargas do período executivo. Xuros de demora. Procedemento de prema: carácter, concorrencia con outros procedementos. Suspensión do procedemento. A providencia de prema: Motivos de impugnación. Prazos de ingreso.

Tema 61.—O embargo. Execución de garantías. Orde de embargo. As dilixencias de embargo. Facultades da recadación. O embargo de diñeiro en contas abertas en entidades de crédito: Procedemento. Embargo de soldos, salarios e pensións. Embargo de bens inmobles: as anotacións preventivas de embargo. O principio de proporcionalidade no embargo de bens.

Tema 62.—Depósito e venda dos bens embargados. Valoración e fixación do tipo. Formas de venda. Costas. Terminación do procedemento de apremio. Créditos incobrables e fallidos. A prescrición.

Tema 63.—O concurso de acredores e o seu efecto sobre o procedemento de apremio. O privilexio dos créditos tributarios e a súa previsión na lexislación concursal.

Tema 64.—As infraccións tributarias: concepto e clases. As sancións tributarias: clases e criterios de gradación. Procedemento sancionador. Extinción da responsabilidade por infraccións.

Tema 65.—A devolución de ingresos indebidos: supostos, interesados, contido do dereito á devolución, xuros de demora, procedemento para o seu recoñecemento.

Requisitos

Proceso selectivo

PRIMEIRO EXERCICIO.—De carácter obrigatorio e eliminatorio para todas e todos os aspirantes Consistirá en contestar por escrito un cuestionario de CEN (100) preguntas tipo test, máis cinco (5) de reserva, con catro (4) respostas alternativas cada unha de elas, das cales só unha delas será a correcta, correspondentes ao temario que figura como Anexo II. O tempo máximo para a realización do exercicio será de CENTO VINTE (120) MINUTOS. Este exercicio puntuarase de cero (0) a dez (10) puntos, sendo necesario para aprobar obter unha puntuación mínima de cinco (5) puntos. Corresponderalle ao tribunal determinar o número de respostas correctas esixido para acadar esta puntuación mínima, para o cal terá en conta que por cada tres (3) respostas incorrectas se descontará unha correcta.

SEGUNDO EXERCICIO.—De carácter igualmente obrigatorio e eliminatorio Consistirá en contestar por escrito tres (3) temas extraídos ao azar entre os comprendidos no programa que figura no Anexo II desta convocatoria, un (1) tema da parte xeral, e outros dous (2) temas da parte específica. O tempo máximo para a realización do exercicio será de DOUSCENTOS CORENTA (240) MINUTOS. Neste exercicio valorarase o volume e comprensión dos coñecementos, a claridade de ideas, a capacidade de síntese e a calidade de expresión escrita. O Tribunal poderá acordar que a proba sexa lida obrigatoriamente polos aspirantes en sesión pública. Neste caso, concluída a lectura da totalidade dos temas, o Tribunal poderá solicitarlle ao aspirante calquera explicación complementaria que considere oportuna sobre cuestións relacionadas cos temas desenvolvidos. Este exercicio puntuarase de cero (0) a dez (10) puntos; para a superación do mesmo será necesario obter unha puntuación mínima de cinco (5) puntos.

TERCEIRO EXERCICIO.—Así mesmo obrigatorio e eliminatorio Consistirá na realización por escrito dun informe con proposta de resolución, sobre un ou varios supostos prácticos, que estarán relacionados coas materias do programa que figura no Anexo II desta convocatoria. O tempo máximo para a realización deste exercicio será de CENTO OITENTA (180) MINUTOS. Durante o desenvolvemento da proba os aspirantes poderán dispoñer de textos legais sen comentarios e calculadoras. En relación cos textos legais, admitiranse as súas versións consolidadas, aquelas en cales figuren notas de vixencia e/ou referencias cruzadas a outras normas e os subliñados simples sempre que non inclúan outra información, comentario doutrinal ou referencia xurisprudencial. Está expresamente prohibida a utilización de libros de consulta, informes ou ditames de calquera tipo. Durante o desenvolvemento do exercicio, os membros do tribunal poderán examinar o material que estea a utilizar cada aspirante e comprobar que se axusta ao establecido no parágrafo anterior. O manexo de textos normativos distintos dos permitidos determinará a expulsión da persoa aspirante. O Tribunal poderá acordar que o exercicio sexa lido obrigatoriamente polos aspirantes en sesión pública. Neste caso, unha vez lido, o Tribunal poderá realizar aos aspirantes cantas preguntas considere necesarias. Neste exercicio valorarase a capacidade de análise e a aplicación razoada dos coñecementos teóricos á resolución dos problemas prácticos expostos. Este exercicio puntuarase de cero (0) a dez (10) puntos; é necesario para aprobar obter unha puntuación mínima de cinco (5) puntos.

CUARTO EXERCICIO.—De carácter igualmente obrigatorio e non eliminatorio Consistirá na realización dunha proba escrita de coñecemento da lingua galega, e avaliarase de 0 a 2 puntos. O exercicio terá unha duración máxima de CORENTA (40) MINUTOS. Estarán exentos da realización deste exercicio os/as aspirantes que acrediten no prazo regulamentario de presentación de instancias, ou no de emenda de solicitudes, posuír o título CELGA 4 ou equivalente debidamente homologado, segundo o disposto na Orde do 16 de xullo de 2007, pola que se regulan os certificados oficiais acreditativos dos niveis de coñecemento da lingua galega, aos que se lle asignarán 2 puntos. 7.6.—As cualificacións de cada exercicio faranse públicas o mesmo día en que se acorde e serán expostas no taboleiro de anuncios do Concello de Marín.

Especialidades asociadas

Cursos relacionados

Temarios relacionados

Curso Oposiciones Temas Generales 2026 subg A1 y A2

Xunta Galicia Temario A2 2019 (General)